Японы хоккейн бүсгүйчүүд дэггүйтэв

ОХУ-ын Сочи хотноо болж буй өвлийн олимпийн наадмын үеэр Японы хоккейн эмэгтэйчүүдийн шигшээ багийнхан багагүй хөгжилдөөд авчээ. Хоккейн эмэгтэйчүүдийн төрөлд шилдэг найман баг оролцож байгаагаас Ази тивийн төлөөлөл Японы баг хараахан хожил авч чадаагүй байна. Хэсэгтээ Швед, Герман, ОХУ-ын багтай таарсан арлын орны хоккейчид хэсгийн сүүлийн тоглолтоо өнгөрөгч мягмар гаригт (02.11) зохион байгуулагч ОХУ-ын багийн эсрэг хийжээ. Тус тоглолтод япончууд 1:2 харьцаатай ялагдсан юм. Тэрхүү тоглолтын үеэр япон бүсгүйчүүд “сахилгагүйтсэн” гэнэ.