Монголын кино урлагт өөрийн гэх байр суурийг бий болгож яваа СТА, жүжигчин Р.Анхням өдгөө Хятадын алдарт зохиолч Зян Руны “Чонон сүлд” романаас сэдэвлэн бүтээж буй “Wolf totem” кинонд тоглож байгаа билээ. Хятадын кино группээс 38 сая ам.доллараар санхүүжүүлж байгаа уг киног Францын найруулагч Jean-Jacques Annaud найруулж байгаа юм. 2009 оноос хойш яригдаж эхэлсэн “Чонон сүлд” киноны зарим хэсгийн зураг авалтуудыг Өвөрмонголд хийжээ.
Энэхүү киноны гол баатар болох Chen Zen-ий дүрд Хятадын залуу жүжигчин Feng Shaofeng тоглосон бөгөөд харин кинонд ганцхан Монгол жүжигчин тоглосон нь Р.Анхням юм. Үүнээс болж зарим хүмүүс “Монголчуудыг доромжилсон кинонд тоглож эх орноосоо “урвалаа” гэж хүртэл хатуурхаж байхад "Харин ч авьяаслаг жүжигчин" хэмээн өмөөрөх хэсэг ч бий. Хамгийн сонирхолтой нь, уг кинонд жүжигчин Р.Анхням нүцгэн гараараа чонотой үзэлцэж тоглосноороо ихээхэн хэмжээний хөрөнгийг кино бүтээгчдээс авахаар болсон гэдэг. Түүнчлэн олон улсын кино урлагт түүний нэр хүнд өснө гэж найдаж буй юм билээ.
Юутай ч, уран бүтээлийн аз одтой яваа эрхэм жүжигчин маань нэлээд хэдэн жилийн өмнө нүцгэн зургаа авахуулан олныг гайхашруулж явснаа эргэн "санагалзсан" бололтой. Дахин нүцгэн зургаа авахуулж, гуч хүрсэн насандаа гоо сайхан бие галбираа гэрэл зурагт мөнхөлсөн тэрбээр ийнхүү фэнүүдээ гайхтал шийдэмгий алхам хийжээ.